சென்னையை அடுத்த ஆவடி பகுதி மாநகராட்சியாக தரம் உயர்த்தப்பட்ட பிறகு நடைபெற்ற நகர்ப்புற உள்ளாட்சித் தேர்தலில், முதல் மேயர் வாய்ப்பு யாருக்கு என்பது பரபரப்பாக பேசப்படுகிறது.
முதலமைச்சர் மு.க.ஸ்டாலினுடன் சுமார் 50 ஆண்டுகளாக நெருங்கிய நட்பு கொண்டுள்ள ஆவடி எம்எல்ஏ நாசர் பால்வளத்துறை அமைச்சராக உள்ள நிலையில், மேயர் வாய்ப்பு அவரது மகன் ஆசிம் ராஜாவுக்கு வழங்கப்படலாம் என கூறப்படுகிறது. எனினும் சீனியர் ஒருவருகக்கு மேயர் பதவியை வழங்குவது குறித்தும் கட்சித் தலைமை பரிசீலித்து வருகிறது.
ஒருவேளை மேயர் பதவி இல்லாவிட்டாலும் துணை மேயர் பதவி அமைச்சர் நாசரின் மகனுக்கு உறுதி என நமது ஊர்குருவி தகவல்கள் கூறுகின்றன.
ஆவடியில் உள்ள 48 வார்டுகளில் திமுக 35 வார்டுகளில் வெற்றி பெற்றுள்ளது. எதிர்க்கட்சியான அதிமுக 4 வார்டுகளில் வெற்றி பெற்றுள்ளது.
இதனிடையே, தாம்பரம் மேயர் பதவிக்கு தாம்பரம் எம்எல்ஏ ராஜா மற்றும் பல்லாவரம் எம்எல்ஏ கருணாநிதி ஆதரவாளர்கள் இடையே கடும் போட்டி நிலவுகிறது. கவுன்சிலர்களை கவர்ந்திழுக்க பேரம் “ஒன் சி” ரேஞ்சில் பேசப்படுவதாக தகவல் பரவி வருகிறது. மேயர் பதவியை போல துணை மேயர் பதவிக்கும் போட்டி நிலவுவதால், பல்லாவரம் மற்றும் தாம்பரம் தரப்பினருக்கு, ஆளுக்கு ஒரு பதவியை ஒதுக்கிவிட முடிவு செய்யப்பட்டுள்ளது. எந்த தரப்புக்கு மேயர் பதவி என்பதில் மட்டும் இழுபறி நீடிக்கிறது. இறுதி முடிவு முதலமைச்சரின் கையில்…!
ஊர்குருவி இரை தேடி பறந்தது…
