முன்பதிவு இல்லாத டிக்கெட்களை Rail One செயலி மூலமாக பதிவு செய்தால், அதை நேரடியாக போனில் காட்டினால் மட்டுமே செல்லுபடியாகும். ஸ்கிரீன்ஷாட்கள், PDF, WhatsApp Forward-கள் ஏற்றுக் கொள்ளப்படாது எனவும், மீறினால் அபராதம் விதிக்கப்படும் எனவும் இந்திய ரயில்வே மீண்டும் திட்டவட்டமாக தெரிவித்துள்ளது.
இந்திய ரயில்வேயின் புதிய Rail One செயலி மூலம் எடுக்கப்படும் முன்பதிவு இல்லாத டிக்கெட்டுகள் குறித்து ரயில்வே நிர்வாகம் முக்கிய அறிவிப்பை வெளியிட்டுள்ளது.
Rail One செயலி மூலம் ‘அன்-ரிசர்வ்டு’ டிக்கெட்டுகளை முன்பதிவு செய்யும் பயணிகள், பயணத்தின் போது தங்களின் மொபைலில் உள்ள செயலியை நேரடியாகத் திறந்து காண்பித்தால் மட்டுமே அது செல்லுபடியாகும் என இந்திய ரெயில்வே தெரிவித்துள்ளது.
டிஜிட்டல் டிக்கெட்டுகளை தவறாகப் பயன்படுத்துவதைத் தடுக்கவும், போலி டிக்கெட் மோசடிகளைத் தவிர்க்கவும் இந்த அதிரடி நடவடிக்கை எடுக்கப்பட்டுள்ளது.
