பவிஷ், நாக துர்கா நடிப்பில் மகேஷ் ராஜேந்திரன் இயக்கத்தில் வெளிவந்துள்ளது லவ் ஓ லவ் திரைப்படம்.
காதலியின் விருப்பங்களை நிறைவேற்ற வேண்டும் என்ற ஆர்வத்தில், தன் வருமானத்தை விட அதிகமாகச் செலவழிக்கும் ஹீரோ, ஒருகட்டத்தில் கடன், கிரெடிட் கார்டு பிரச்னை போன்ற நெருக்கடிகளில் சிக்கிக் கொள்கிறார். இதனால் அவரது காதலிலும் சிக்கல்கள் எழுகின்றன. அவற்றில் இருந்து அவர் மீண்டு வந்தாரா, அவர்களது காதல் கைகூடியதா என்பதே படத்தின் மீதிக்கதை.
இப்படத்தின் முதல் பாதி முழுக்க காதல், நகைச்சுவை, இளமைத் துள்ளல் என விறுவிறுப்பாக நகர்கிறது. இரண்டாம் பாதியில் கதாபாத்திரங்களின் வாழ்க்கையில் ஏற்படும் மாற்றங்களும், சிக்கல்களும் யதார்த்தமாக விவரிக்கப்படுகிறது. எனினும், திரைக்கதை சுவாரஸ்யம் குறையாமல் கையாளப்பட்டுள்ளது.
கதாநாயகன் பவிஷ் அப்பாவித்தனத்தையும் காதல், நெருக்கடி போன்ற பல்வேறு உணர்வுகளையும் இயல்பாக வெளிப்படுத்தியுள்ளார். நாகா துர்காவும் அருமையாக நடித்துள்ளார். இருவருக்கும் இடையே காதல் காட்சிகளில் தென்படும் கெமிஸ்ட்ரி ரசிக்க வைக்கிறது.
இயக்குனர்கள் கே.எஸ். ரவிக்குமார், செல்வராகவன், வனிதா விஜயகுமார் உள்ளிட்டோரும் சிறப்பான பங்களிப்பை வழங்கியுள்ளனர்.
முத்தையாவின் ஒளிப்பதிவு ஃபாக்ஸ்னின் பின்னணி இசையும் கூட்டணி அமைத்து படத்தின் வெற்றிக்கு சிறப்பான பங்களிப்பை அளித்துள்ளது.
‘லவ் ஓ லவ்’ மூலம் நல்ல பொழுதுபோக்கு அம்சங்களுடனும் ஒரு படத்தை தந்திருக்கிறார் இயக்குநர் மகேஷ் ராஜேந்திரன்.
– நிருபர் நாராயணன்
