சென்னை திருவேற்காடு யாதவ நல சங்கம் சார்பில், சிவன் கோயில் அருகே 4-ம் ஆண்டாக உறியடி திருவிழா உற்சாகமாக நடைபெற்றது. இதில், கிருஷ்ணர் வேடமிட்ட சிறுவர்கள் மற்றும் இளைஞர்கள் ஆர்வத்துடன் பங்கேற்றனர்.
இதையடுத்து ராதா, ருக்மணி சமேத ஸ்ரீகிருஷ்ணரின் சப்பர வீதியுலா நடைபெற்றது. கிருஷ்ண ஜெயந்தி விழாவில் பங்கேற்றவர்களுக்கு பிரசாதம் வழங்கப்பட்டது.
விழாவையொட்டி வண்ண மின்விளக்குகளால் உருவாக்கப்பட்ட பசுவுடன் கூடிய ஸ்ரீகிருஷ்ணரின் உருவம் பார்வையாளர்களை வெகுவாக கவரும் வகையில் இருந்தது.
கிருஷ்ண ஜெயந்தி கொண்டாட்டத்தால் சிவன் கோயில் எதிரே உள்ள பகுதி விழாக்கோலம் பூண்டிருந்தது. இந்த விழாவில் யாதவ சமூக மக்கள் மற்றும் ஊர் மக்கள் குடும்பத்தினருடன் திரளாக கலந்துகொண்டனர்.
சிறப்பாக நடைபெற்ற இந்த விழாவுக்கான ஏற்பாடுகளை திருவேற்காடு நகராட்சி தலைவர் என்.இ.கே. மூர்த்தியின் வழிகாட்டுதலில், திருவேற்காடு யாதவ நல சங்க நிர்வாகிகளான தலைவர் எஸ்.லட்சுமணன், பொதுச்செயலாளர் இ.பாண்டியன், பொருளாளர் எஸ்.கே.ரவி, கெளரவத் தலைவர்கள் இ.கன்னியப்பன், கே.கருணாகர பாண்டி, என்.ஸ்ரீதர், வி.முருகன், துணைத் தலைவர்கள் ஜி.ராமலிங்கம், எஸ்.கோவிந்தன், என்.சோமு, டி.மஞ்சுநாதன், வி.சேகர், சட்ட ஆலோசகர் கே.மணிகண்டன், செயலாளர்கள் எஸ்.ஹரிசங்கர், கே.பிச்சாண்டி, கே.பன்னீர்செல்வம், எஸ்.விஜயசாரதி, எஸ்.சுப்பிரமணி, இளைஞர் அணி துணைத் தலைவர்கள் இ.மூர்த்தி, கே.செல்வக்குமார், இளைஞர் அணி செயலாளர்கள் பி.சந்தோஷ்கிருஷ்ணன், வி.கார்த்திகேயன், கே.விஜயகுமார், டி.கேசவன், எஸ்.பார்த்திபன், சி.லட்சுமி நாராயணன் மற்றும் நிர்வாகிகள் செய்திருந்தனர்.
– நிருபர் நாராயணன்
