சீனாவின் அத்துமீறல்களுக்கு பதிலடி கொடுக்கும் வகையில், லடாக்கில் உள்ள எல்லை கட்டுப்பாட்டு பகுதியில் பாதுகாப்பு பணியில் 24 மணி நேரமும் தீவிர கண்காணிப்பில் ஈடுபட்டுள்ளனர். அவர்கள் கடுங்குளிர், பனிப்பொழிவுக்கு நடுவே அதாவது பூஜ்யத்திற்கு குறைவான தட்ப வெப்பத்தில் மிகக் கடுமையான பனிப் பொழிவில் எல்லையை பாதுகாக்கும் ‘வீடியோ’ மற்றும் புகைப்படங்களை, ராணுவம் தரப்பில் சமூக வலைத்தளத்தில் வெளியிடப்பட்டுள்ளது.
அதில், பொய் அல்லது வெற்று நம்பிக்கையால் நாம் இலக்கை அடைய முடியாது. இரும்பு உடல், தியாக மனப்பான்மை, உள்ளத்தில் உறுதி தேவை. அனைவருக்கும் தேசப் பாதுகாப்பு தான் ஒரே இலக்கு என குறிப்பிடப்பட்டுள்ளது.
மற்றொரு வீடியோவில் கடும் பனிப் பொழிவுக்கு நடுவே வீரர்கள் அணிவகுப்பு நடைபெறுகிறது.இதை குறிப்பிட்டு, ‘காலையில் நீங்கள் பூங்காவில் மேற்கொள்ளும் நடை பயிற்சியுடன் இதை ஒப்பிட்டால் வீரர்களின் தியாகம் எத்தகையது என்பது புரியும்’ என, தெரிவிக்கப்பட்டுள்ளது. இந்த பதிவுகள் சமூக வலைத்தளங்களில் வைரலாக பரவி வருகின்றன.
