மலேசியப் பின்னணியில் நகரும் கதையில், முகேன் ராவ் ஹீரோவாக நடித்துள்ள படம் “ஜின் – தி பெட்”.
டி ஆர் பாலா இயக்கத்தில் உருவாகியுள்ள இப்படத்தில், பவ்யா தரிகா, வடிவுக்கரசி, நிழல்கள் ரவி, ராதாரவி, பால சரவணன், இமான் அண்ணாச்சி, வினோதினி வைத்தியநாதன், நந்து ஆனந்த் உள்ளிட்ட பலர் நடித்திருக்கிறார்கள்.
நாயகன் முகேன் ராவ் தனது அற்புதமான நடிப்பால், அவர் வரும் ஒவ்வொரு காட்சியையும் ரசிக்கும்படி செய்திருக்கிறார். ஹீரோயின் பவ்யா பவ்யமாக வந்து செல்கிறார். நடிப்பில் இன்னும் சற்று கவனம் செலுத்த வேண்டும்.
ராதாரவி தனது அனுபவத்தை கச்சிதமாக நடிப்பில் வெளிப்படுத்தியுள்ளார். வினோதினி மற்றும் வடிவுக்கரசி சிறிய கதாபாத்திரங்களில் தோன்றியிருந்தாலும் சிறப்பான பங்களிப்பை கொடுத்துள்ளனர். காமெடி காட்சிகளில் பால சரவணன் தனித்து நிற்கிறார்.
அர்ஜுன் ராஜா ஒளிப்பதிவும் விவேக்- மெர்வின் இசையும் போட்டி போட்டு படத்தை தாங்கிப் பிடிக்கின்றன. “கொஞ்சம் பக்கம் வா…” பாடல் அருமையாக உள்ளது. படத்தின் ஸ்பெஷல் எபெக்ட்ஸ் மிரட்டல்.
காமெடி ஹாரர் என்டர்டெய்னராக வெளியாகியுள்ள இப்படத்தை இயக்குனர் டி.ஆர்.பாலா செம விறுவிறுப்பாக கொண்டுச் செல்கிறார். தனித்துவமான கதை மற்றும் கற்பனையான காட்சிகள், இந்த திரைப்படம் முழுவதும் சுவாரஸ்யமான அனுபவத்தை வழங்குவதில் வெற்றி பெறுகிறது. அந்தவகையில், குழந்தைகள் முதல் பெரியவர்கள் வரை அனைவரையும் கவரும் வகையிலான ஃபேமிலி எண்டர்டெய்னருக்கான அம்சங்கள் படத்தில் உள்ளன.
அக்னி வெயில் முடிந்து தென் மேற்கு பருவமழை தொடங்கிவிட்டது. அந்த குளுமையை அனுபவித்தபடி, இரண்டரை மணி நேரத்தை ஜாலியாக செலவிட விரும்புபவர்கள் தாராளமாக தியேட்டருக்குச் சென்று ரசித்துப் பார்க்கலாம்.
– நிருபர் நாராயணன்
