பிரபல சின்னத்திரை நடிகை மகாலட்சுமி – தயாரிப்பாளர் ரவீந்தர் சந்திரசேகரனுக்கும் திருப்பதியில் கடந்த செப்டம்பர் 1-ம் தேதி மிக எளிமையாக திருமணம் நடைபெற்றது.
இதுதொடர்பான புகைப்படங்களை இன்ஸ்டாகிராமில் ரவீந்தர் வெளியிட்ட பின்பே, ரசிகர்களுக்கு இந்த தகவல் தெரியவந்தது. அந்த புகைப்படங்களை பார்த்த திரையுலக பிரபலங்கள், நெட்டிசன்கள் அவர்களை வாழ்த்து மழையில் நனையச் செய்தனர்.
அதே நேரத்தில் சிலர் குறும்பாக இந்த ஜோடியை கலாய்த்து பதிவிட்டனர்.
இருவருக்கும் இது இரண்டாம் திருமணம். மேலும், ரவீந்தர் மிகப்பெரும் கோடீஸ்வரர் என்பதால் தான், நடிகை மகாலட்சுமி அவரை திருமணம் செய்து கொண்டார் என்றும், சிலர் சமூக வலைத்தளங்களில் விமர்சனங்களை முன்வைத்தனர்.
ஆனால், எந்த எதிர்மறை விமர்சனமும், இந்த காதல் தம்பதியை சிறிதும் பாதிக்கவில்லை. மாறாக மிக ஸ்போர்ட்டிவாக எடுத்துக் கொண்டனர். அவர்கள் அளித்த பேட்டியே, அவர்களது காதலின் வலிமையை உணர்த்துவதாக உள்ளது.
வாழ்க்கையை மிக யதார்த்தமாக எடுத்துக் கொண்டு வாழும் ரவீந்தர் – மகாலட்சுமி தம்பதிக்கு, நிருபர் டிவி சார்பில் அன்பு வாழ்த்துகள். வாழ்க பல்லாண்டு.
