இயக்குனர் லோகேஷ் அஜ்லஸ் இயக்கத்தில் பிரபல தெலங்கு நடிகர் நவீன் சந்திரா நாயகனாக நடிச்சிருக்கும் படம் தான் லெவன்.
ஐபிஎஸ் அதிகாரியான அரவிந்தன் வேடத்தில் வரும் நாயகன் நவீன் நேர்மையாக கடமையாற்றி வருகிறார். நகரில் தொடர்ந்து மர்மமான முறையில் நடக்கும் கொலைகள் பரபரப்பையும் பதற்றத்தையும் ஏற்படுத்த, துப்புதுலக்க களமிறங்குகிறார் அரவிந்தன் ஐபிஎஸ்.
இந்த தொடர் கொலையில் ஈடுபடுவது யார்? அந்த மர்மம் தான் என்ன? என்பது தான் படத்தின் மீதிக்கதை.
எரிந்த நிலையில் கிடைக்கும் சடலத்துடன் தொடங்கும் கதைக்களமும், அரவிந்தனின் புலனாய்வு முயற்சிகளும், செம விறுவிறுப்பு. அவரது கம்பீரமான தோற்றமும் உடல்மொழியும் கேரக்டருக்கு கச்சிதமாக பொருந்துகிறது.
ரேயா ஹரி, ஷஷாங், ரித்விகா, ஆடுகளம் நரேன் உள்ளிட்ட நடிகர் நடிகைகளும் தங்களுக்கு கொடுக்கப்பட்ட கதாபாத்திரத்தை அழகாக நடித்து மெருகேற்றியுள்ளனர். சிறப்புத் தோற்றத்தில் வருகிறார் நடிகை அபிராமி.
டி இமானின் இசையில், விடியாத வானம் என்ற பாடல் நெஞ்சை உலுக்கும் வகையில் உள்ளது.
பின்னணி இசையில் இதுவரை கண்டிராத ஒரு புதுமையை படைத்திருக்கிறார் இமான். அவரது இசையும் கார்த்திக் அசோகனின் ஒளிப்பதிவும் படத்திற்கு பெரிய பிளஸ் என்றே கூறலாம்.
சீரியல் கில்லிங் புலனாய்வு திரைக்கதையை காட்சிக்கு காட்சிக்கு மிகச் சிறப்பாக நகர்த்திச் சென்றுள்ளார் இயக்குநர் லோகேஷ் அஜ்லஸ். வித்தியாசமான திரில்லர் படம்.
மொத்தத்தில் லெவன் கோடை வெயிலுக்கு ஏற்ற லெமன்.
– நிருபர் நாராயணன்
