ஜெயபாரதி ரங்கராஜ் தயாரிப்பில், அறிமுக இயக்குனர் ரங்கராஜ் இயக்கி நடித்திருக்கும் திரைப்படம் “கட்ஸ்”.
கதாநாயகி நான்சி, காவலராக டெல்லி கணேஷ், நாயகனின் அம்மாவாக ஸ்ருதி நாராயணன், குணச்சித்திர வேடத்தில் சாய் தீனா, வில்லன் பிர்லா போஸ், பெண் காவலராக அறந்தாங்கி நிஷா உள்ளிட்டடோர் நடித்துள்ளனர்.
ரங்கராஜ் புதுமுகம் என்றாலும் அது தெரியாத வகையில் சிறப்பாக நடித்திருக்கிறார். கம்பீரமான தோற்றத்தில் இன்ஸ்பெக்டர் கதாபாத்திரத்திற்கு கச்சிதமாக பொருந்தியிருக்கிறார். காதல், சென்டிமெண்ட், ஆக்ஷன் என கலக்கியிருக்கிறார். அதிலும், தந்தை – மகன் என இரட்டை வேடத்தில் நடித்து முதல் படத்திலேயே சிக்ஸர் அடித்திருக்கிறார் ரங்கராஜ்.
கதாநாயகனுக்குப் போட்டியாக காதல், கொஞ்சல் என அழகுப் பதுமையாக நடித்திருக்கிறார் கதாநாயகி நான்சி.
சின்னத்திரை ஸ்ருதி நாராயணன் இதன் மூலம பெரிய திரையில் களமிறங்கியிருக்கிறார். நடிப்புத் திறமையை காட்டியிருக்கிறார். இதுபோல், சின்னத்திரை காமெடி குயின் அறந்தாங்கி நிஷா தனது பங்களிப்பை நிறைவாக செய்திருக்கிறார்.
மனோஜ் கேமராவை கையாள அதற்கேற்ப அற்புதமாக இசை அமைத்திருக்கிறார் ஜோஸ் ப்ராங்க்ளின். அனைத்துப் பாடல்களும் கேட்கும்படி உள்ளன. குறிப்பாக அம்மா பாடல் மனதை உருகச் செய்துள்ளது.
வேளாண்மையின் சிறப்பு, மூன்றாம் பாலரின் நலன்கள் என சமூகப் பார்வை கொண்ட படமாக வெளிவந்திருக்கிறது “கட்ஸ்”.
படத்தின் டைட்டிலுக்கு ஏற்ப, கமர்சியல் அம்சங்களுடன் விறுவிறுப்பாக நகர்கிறது படம். தியேட்டரில் பார்த்து ரசிக்கலாம்.
– நிருபர் நாராயணன்
