டாக்டர் பிரகாபல் இயக்கத்தில் பிகே 7 ஸ்டுடியோஸ் தயாரிப்பில் வெளியாகியுள்ள திரைப்படம் ஜாக்கி.
யுவன் கிருஷ்ணா, ரிதன் கிருஷ்ணா, அம்மு அபிராமி உள்ளிட்டோர் நடித்துள்ளனர்.
மதுரை மண்ணில் நடைபெறும் கிடா சண்டையை மையமாக வைத்து கதை சுழல்கிறது.
ஆட்டோ ஓட்டுநராக வரும் நாயகன் யுவன் கிருஷ்ணாவுக்கு, வில்லன் ரிதன் கிருஷ்ணாவுக்கும் இடையே நடக்கும் கிடா மோதலில் யார் வென்றார்கள், யாருக்கு ஜாக்கி பரிசு கிடைத்தது என்பதே படத்தின் சுருக்கமான கதை.
யுவன் அற்புதமாக நடித்திருக்கிறார். கதாநாயகி அம்மு அபிராமியுடனான காதல் காட்சிகளில் மட்டுமின்றி சண்டை காட்சிகளிலும் அசத்தியிருக்கிறார். அம்மு அபிராமி கொடுத்த வேலையை சிறப்பாக செய்திருக்கிறார்.
வில்லன் கதாபாத்திரத்தில் சும்மா மிரட்டியிருக்கிறார் ரிதன். இனி இவர் கதாநாயகனாகவும் களமிறங்கலாம.
இசையமைப்பாளர் சக்தி பாலாஜியின் இசையில் பாடல்கள் அனைத்தும் அருமை. என்.எஸ்.உதயகுமார் கதை களத்திற்கு ஏற்ப அற்புதமாக கேமராவை கையாண்டு இருக்கிறார்.
பாரதிராஜா பாணியில், மதுரை மண்ணின் வாழ்வியலை அழகாக படம்பிடித்து காட்டியிருக்கிறார் இயக்குநர் பிரகாபல். கிடா சண்டையை மிக யதார்த்தமாக காட்சிப்படுத்தியிருப்பது படத்திற்கு பெரும் பலம் என்றே கூறலாம். வீரம் நிறைந்த கிடாக்களும் படத்தின் ஹீரோக்கள் என்று கூறும் வகையில் கதைக்கு அடித்தளமாக உள்ளன.
குளிருக்கு இதமாக, விறுவிறுப்பான இந்த ஜாக்கி திரைப்படத்தை தியேட்டரில் ஜாலியாக கண்டு ரசிக்கலாம்.
– நிருபர் நாராயணன்
